ஈழத் தமிழனின் எலும்புக் கூடுகள்

சிதறிக் கிடப்பது
புதையல்கள் அல்ல
செல்லால் அறுக்கப்பட்டு
மண்ணுக்குள் மக்கிப் போன
ஈழத் தமிழனின் மிகுதிகள் .

வேடிக்கை பார் சோதனை செய்
சில நேரம்
வெற்றுக் கிரக வாசிகளின் மண்டை ஓடாகவும் மாறலாம்
வீர தமிழனின் எலும்புகள்.

துரோகிகளின் முதுகெலும்பற்ற
முல்லுகூடுகளும் அகப்படலாம்
பத்திரப் படுத்தி வைத்துக்கொள்

நாளை

பாடம் புத்தங்களில் பதித்திடு
பழங்குடியினரின் தோற்றங்கள்
இப்படியும் இருந்து இருக்கலாம்
என்று .