நிழல்

நீயும் நானும் 
ஒரே ஜாதி தான்
எட்டி உதைத்தாலும் 
விட்டுப்போவதில்லை யாரையும்

கெட்டவரோ நல்லவரோ
எப்போதும்
இணைந்தே இருக்கிறாய்
ஏனோ 
அவர்கள் தான் கண்டுகொள்வதில்லை உன்னை.

என்னைப்போல்
உனக்கும் இருளைக் கண்டால்
பயமோ
மறைந்துவிடுகிறாய் மண்ணோடு.

நிஜமாய் தான் நீ
இருக்கிறாய் 
நிறத்தில் கறுப்பாகி விட்டாயே
அதனால் தான்
பொய்யோடு ஒப்பிட்டும்
விடுகிறார்கள்.

உன்னை பலருக்கு பிடிக்காத
போதும்
என்னைப் போல் சிலருக்கு
பிடித்து விடுகிறது
காரணம் 
எம்மை பிரிவதே இல்லை நீ.