இது என்ன சொர்கப்புரியா

இரவை பகலாக்கும் மின்
விளக்குகள்
இரத்தத்தை குடிக்கும் இயந்திரங்கள்.

சுவாசத்தையும் ரணமாக்கும் புகை மூட்டங்கள்
வானையும் கிழிக்கும் வாகன
இரைச்சல்கள் .

இவைகளை தாண்டிய ஓர்
பயணம் .

பச்சை பசேலென பறந்து விரிந்த
வயல்வெளிகள்
சில்லெனi வீசும் தென்றல்
சிரிக்கும் நீர் வீழ்ச்சிகள்.

பூத்துக் குலுங்கும் மலர்கள்
புது ராகம் பாடும் பறவைகள் .
இருமருங்கிலும் மரங்கள்
ஈடு இணை இல்லா செல்வங்கள்.

அன்பை பொழியும் மனிதர்கள்
அழகை கொட்டும் இயற்கை
அருகில் உலாவும் விலங்குகள் .

அம்மம்மாம்மா ...
உலக அதிசயங்களின் ஒட்டுமொத்த
உறைவிடம் இதுவல்லவோ ...


காண்பதெல்லாம் கனவா
கண்களுக்கே சந்தேகம்
கால் பதித்தது சொர்கத்திலா .?
கன்னி எனக்குள்ளும் சந்தேகம் ...!!